თითქმის 45 წლის ვარ, ჩემი ასაკი შეჩერდა, დრო შეჩერდა, როდესაც ასობით ბავშვის გული გაჩერდა. ჩვენ უნდა შევაჩეროთ ეს სიკვდილის მანქანა და ესაა ჩემი უმთავრესი მისია, - განაცხადა უკრაინის პრეზიდენტმა ვოლოდიმირ ზელენსკიმ ამერიკის შეერთებული შტატების კონგრესისადმი სიტყვით მიმართვისას.

სამი კვირაა. ოდესა, ჟიტომირი, დნეპრი და სხვა ქალაქები, სადაც რუსეთის ჯარები ხალხს მიზანში იღებს და ხოცავს. რუსული ბომბები გვხოცავს. ესაა ტერორი, რომელიც ევროპას 80 წელია, არ უნახავს. ნუთუ, ბევრს გთხოვთ?! ჩაკეტეთ ცა, რათა რუსეთმა შეწყვიტოს ჩვენი ხოცვა. ნუთუ ბევრს გთხოვთ?! ან მაშინ ალტერნატივა შემოგვთავაზეთ იმისთვის, რომ დავიცვათ უკრაინელი ხალხი, დავიცვათ ევროპა. „მე მაქვს ოცნება“ და ამ სიტყვებს თქვენ კარგად იცნობთ; ჩემი ოცნებაა, ჩაკეტოთ ცა; ჩემი ოცნებაა ეს, რათა დავიცვა ჩემი ხალხი“, - თქვა ზელენსკიმ და კონკრესს მოუწოდა მეტი გააკეთონ, რათა შეჩერდეს ტერორი.

„სანქციები უნდა გაგრძელდეს, ვიდრე რუსეთის მკვლელი მანქანა შეჩერდება. ამერიკის სანქციებმა უნდა ამოიღოს მიზანში რუსეთის ყველა პოლიტიკოსი, რომლებიც ახლა ოფისებში სხედან და ამ ომს მშვიდად უყურებენ. ყველა დასავლურმა კომპანიამ დაუყოვნებლივ უნდა დატოვოს რუსეთი. გთხოვთ, ქალბატონებო და ბატონები, თუ თქვენ გაქვთ ამ კომპანიებთან კავშირი, მოუწოდეთ მათ, რომ რუსეთი დატოვონ. ყველა დასავლური ბაზარი უნდა ჩაიკეტოს რუსული პროდუქციისთვის“, – განაცხადა ზელენსკიმ.

"თითქმის 45 წლის გახლავართ, ჩემი ასაკი შეჩერდა, დრო შეჩერდა, როდესაც ასობით ბავშვის გული გაჩერდა. ჩვენ უნდა შევაჩეროთ ეს სიკვდილის მანქანა და ესაა ჩემი უმთავრესი მისია. მე უნდა ვემსახურო ჩემ უკრაინელ ხალხს, და როგორც ჩემი ერის ლიდერი მივმართავ პრეზიდენტ ბაიდენს, თქვენ ბრძანდებით უდიდესი ქვეყნის ლიდერი და გისურვებთ, რომ გახდეთ მსოფლიო ლიდერი და მსოფლიო ლიდერობა ნიშნავს, რომ იყოთ მშვიდობის ლიდერი. დიდი მადლობა მინდა გადაგიხადოთ. დიდება უკრაინას“, - განაცხადა ვოლოდიმირ ზელენსკიმ კონგრესის მიმართვისას.