თელავში, საცხოვრებელ სახლში აფეთქება მოხდა, დაშავდა ერთი ადამიანი
თელავში, ჩოლოყაშვილის ქუჩაზე ორსართულიან საცხოვრებელ სახლში, სავარაუდოდ, გაზის გაჟონვის შედეგად აფეთქება მოხდა.
გავრცელებული ინფორმაციით, აფეთქება იმდენად ძლიერი იყო, რომ კარ-ფანჯრები დააზიანა გვერდით მდებარე სახლშიც. ასევე, დაზიანდა ქუჩაში მდგარი ავტომანქანა.
ადგილზე მობილიზებული იყო საგანგებო სიტუაციების სამსახური, პოლიცია და სასწრაფო დახმარება.
აფეთქების შედეგად დაშავდა, ერთი ადამიანი, რომელიც თელავის რეფერალურ საავადმყოფოშია გადაყვანილი.
