მზად ვარ შევხვდე პუტინს და განვიხილო ცეცხლის შეწყვეტის პირობები, მაგრამ არ ვარ მზად, შევასრულოთ ულტიმატუმები - ზელენსკი
უკრაინის პრეზიდენტი ვოლოდიმირ ზელენსკი აცხადებს, რომ მზად არის რუსეთის პრეზიდენტთან შესახვედრად და ცეცხლის შეწყვეტის პირობებზე სასაუბროდ, მაგრამ არა ულტიმატუმების შესასრულებლად.
უკრაინული მედიის ინფორმაციით, ამის შესახებ ზელენსკიმ la Repubblica-თან ინტერვიუში განაცხადა. „ერთი თვეა, უკრაინაში რუსეთის სრულმასშტაბიანი ომი მიმდინარეობს. ამ შეხვედრისთვის ახლაც მზად ვარ, რის შესახებაც საჯაროდაც განვაცხადე. ჩვენ, ყველას გვჭირდება მშვიდობა. მზად ვართ, განვიხილოთ ცეცხლის შეწყვეტის პირობები, მშვიდობის პირობები, მაგრამ არ ვარ მზად, შევასრულოთ ულტიმატუმები“, – განაცხადა უკრაინის პრეზიდენტმა.
