სტუდენტები ისანი-სამგორის პროკურორის შვილის სწავლის დაფინანსებას აპროტესტებენ
მთავარ პროკურატურასთან საპროტესტო აქცია გაიმართა. პროკურატურასთან შეიკრიბნენ ის სტუდენტები, რომლებსაც ფინანსური პრობლემების გამო სტატუსი შეუჩერდათ.
სტუდენტები თბილისის მერის მიერ ისანი-სამგორის პროკურორის სტუდენტის შვილის 5 ათას 400 ლარით დაფინანსების ფაქტს აპროტესტებენ.
აქციაზე ოპოზიციის წარმომადგენლებიც იმყოფებიან, მათ შორის არის ნიკა მელიაც, რომელმაც დავით ნარმანიას მიერ ხელმოწერილი დაფინანსების დოკუმენტი გუშინ გაასაჯაროვა.
