უკრაინის უმაღლეს რადას დეპუტატებმა წარუდგინეს კანონპროექტი უკრაინის ტერიტორიაზე მოსკოვის საპატრიარქოს აკრძალვის შესახებ. ინფორმაციას უკრაინული მედია ავრცელებს.

კანონპროექტი ითვალისწინებს "მოსკოვის საპატრიარქოს - რუსეთის მართლმადიდებლური ეკლესიისა და რელიგიური ორგანიზაციების, რომლებიც წარმოადგენენ რუსეთის მართლმადიდებლური ეკლესიის ნაწილს, მათ შორის უკრაინის მართლმადიდებლური ეკლესიის აკრძალვას".

"კიევი-პეჩორის ლავრა, პოჩაევის ლავრა, სვიატოგორსკის ლავრა და სხვა სახელმწიფო მნიშვნელობის არქიტექტურის ძეგლები, რომლებსაც მოსკოვის საპატრიარქო იყენებს და მის საკუთრებაშია, გადადის სახელმიფოს საკუთრებაში, ხოლო ხელშეკრულება გამოყენების შესახებ უქმდება", - ნათქვამია კანონპროექტში.

ამასთან დოკუმენტში ნათქვამია, რომ კანონის ძალაში შესვლიდან 48 საათში მოხდება აღნშნული ტაძრების ქონების ინვენტარიზაცია და ნაციონალიზაცია.

"მოსკოვის საპატრიარქოს რელიგიურმა თემებმა, მონასტრებმა და სასულიერო სასწავლო დაწესებულებებმა თავინთი დაქვემდებარება შესაძლოა შეცვალონ კანონის მიღებიდან 14 დღეში, "სინდისის თავისუფლებისა და რელიგიური ორგანიზაციების" შესახებ კანონის შესაბამისად.

უკრაინის მართლმადიდებლური ეკლესიის გარდა, რომელსაც მიტროპოლიტი ეპიფანე მეთაურობს, უკრაინის ტერიტორიაზე მოქმედებს კიდევ ერთი საპატრიარქო რუსეთის ეკლესიის ფარგლებში, რომელსაც მიტროპოლიტი ონოფრე მეთაურობს. ის ამავდროულად რუსეთის ეკლესიის წმინდა სინოდის წევრია.