რუსეთი კიევისა და ჩერნიჰოვის მიმართულებებიდან  გარკვეული დანაყოფები გაყავს, თუმცა ქალაქების დაპყრობის მცდელობაზე უარს  არ ამბობს. ამის შესახებ უკრაინის თავდაცვის სამინისტროს წარმომადგენელმა ალექსანდრ მოტუზიანიკმა განაცხადა.

მისი თქმით, ამ რაიონებიდან რუსული ჯარების მასობრივი გასვლა არ ფიქსირდება.

„ამიტომ ამ მომენტისთვის საუბარი ჯერ ადრეა. ცხადია, მტერს გაყავს დანაყოფები, რომლებმაც უდიდესი დანაკარგი განიცადეს, მათი დაკოპმლქტების მიზნით. ამ მდგომარეობით, ჩვენი ოპერატიული ინფორმაციის თანახმად, მტერი ბოლომდე უარს არ ამბობს დაიპყროს ან ალყაში მოაქციოს მათ შორის დედაქალაქი და ჩერნიჰოვი“, - აღნიშნავს მოტუზიანიკი.

თურქეთში გამართული მოლაპარაკების შემდეგ რუსეთის პრეზიდენტის თანაშემწემ, ვლადიმირ მედინსკიმ განაცხადა, რომ რუსეთი რადიკალურად შეამცირებს სამხედრო მოქმედებებს კიევისა და ჩერნიგოვის ოლქის მიმართულებით.