მაშინ როდესაც რუსეთი აგრესიულ და სასტიკ ომს აწარმოებს უკრაინაში, ქვეყნის შიგნით ვლადიმირ პუტინის მოწონების რეიტინგი იზრდება.

ავტორიტეტული ორგანიზაცია "ლევადას" მიერ ჩატარებული კვლევის შედეგების თანახმად, როგორც ჩანს, უკრაინაში შეჭრის შემდეგ, პუტინის პოპულარობა გაიზარდა.

გამოკითხვის თანახმად, პუტინის მოწონების რეიტინგი 10%-ით გაიზარდა და ახლა 83%-ს შეადგენს. თებერვალში, უკრაინაში შეჭრამდე, პუტინის მოწონების რეიტინგი 71% შეადგენდა.

იანვარში პუტინის მოწონების რეიტინგი 61% იყო.

ამასთან, 10%-ით გაიზარდა პუტინის ნდობის რეიტინგიც. ახლა პუტინს გამოკითხულთა 44% ენდობა, მანამდე ეს მაჩვენებელი 34%-ს შეადგენდა.

აღსანიშნავია, რომ ომამდე პუტინის რეიტინგი ყველაზე დაბალ ნიშნულზე იყო, ბოლო 5 წლის განმავლობაში.

გამოკითხულთა 69% მიიჩნევს, რომ რუსეთში ყველაფერი სწორი მიმართულებით მიდის. თებერვალში ასე ფიქრობდა გამოკითხულთა 52%.

გაიზარდა რუსეთს სახელმწიფო დუმის მოწონების რეიტინგიც. ამჟამად, დუმის საქმიანობას 59% იწონებს, მანამდე 47% იწონებდა.

"ლევადა ცენტრმა" რუსეთის 50 რეგიონში პირდაპირი ინტერვიუს მეთოდით 1 632 ადამიანი გამოკითხა. ინტერვიუები 24-30 მარტს ჩატარდა.