უკრაინის დაზვერვის მონაცემებით, რუსეთის არმიის 64-ე მოტომსროლელი ბრიგადას, რომელიც ბუჩაში მშვიდობიანი მოსახლეობის მასობრივ ხოცვა-ჟლეტასა და წამებაში მონაწილეობდა, უკრაინის ტერიტორიაზე დააბრუნებენ.

აღნიშნული ბრიგადა 4 პარილს ბელარუსში გადაიყვანეს და ამჟამად ქალაქ მოზირთან იმყოფება.

6 აპრილამდე პირად შემადგენლობას რკინიგზით რუსეთის ქალაქ ბელგოროდში გადაიყვანენ.

ორდღიანი დასვენების შემდეგ იგეგმება მათი დაბრუნება უკრაინაში და ერთ-ერთ ცხელ წერტილში, სავარაუდოდ, ხარკოვის მიმართულებით გაგზავნა. უწყება აღნიშნავს, რომ როგორც წესი, რუსულ ქვედანაყოფებს საბრძოლო მოქმედებების ზონის დატოვების შემდეგ ძალების აღდგენისა და დასვენებისთვის უფრო მეტ დროს აძლევენ. აღნიშნული გრაფიკი კი იმაზე მიანიშნებს, რომ 64-ე ბრიგადას მიცემული აქვს „სპეციალური დავალება“. მათ შორის უკრაინის დასახლებული პუნქტების მოსახლეობის დაშინება. ბუჩაში გენოციდის დანაშაულის შემსრულებლებს იგივეს ჩადენა სხვ ქალაქებშიც შეუძლიათ.

დაზვერვის სამსახურის განცხადებით, უკრაინის ტერიტორიაზე 64-ე ბრიგადის დაუყოვნებლივ დაბრუნების კიდევ ერთი მიზანი არასაჭირო მოწმეების სასწრაფო განადგურებაა. „ესე იგი, გადასროლა ფრონტის იმ მონაკვეთზე, სადაც მათ გადარჩენის შანსები არ ექნებათ, რათა შეუძლებელი გახდეს მომავალში სასამრთლოებზე ჩვენებების მიცემა“,- აცხადებენ უწყებაში.

უკრაინის დაზვერვის მონაცემებით, სამხედროები უკრაინაში დაბრუნებას ეწინააღმდეგებიან, თუმცა რუსეთის სარდლობა მათ სურვილს უგულებელყოფს და საბრძოლო მოქმედებებში მონაწილეობაზე უარის თქმის შემთხვევაში ტრიბუნალით ემუქრება.