მარიუპოლში რუსეთის ძალებმა მობილური კრემატორიუმები აამუშავეს, ოკუპანტები წვავენ მოკლული და ნაწამები მშვიდობიანი მოქალაქეების ცხედრებს, რათა დაფარონ რუსეთის არმიის დანაშაულები მშვიდობიანი მოსახლეობის მიმართ. ამის შესახებ ინფორმაციას მარიუპოლის საქალაქო საბჭო Telegram-ზე ავრცელებს. იუწყება უკრაინული მედია.

„მკვლელები კვალს შლიან. მარიუპოლში ამუშავდა რუსილი მობილური კრემატორიუმები. ბუჩის გენოციდთან დაკავშირებით ფართო საერთაშორისო გამოხმაურების შემდეგ, რუსეთის ფედერაციის ხელისუფლებამ ბრძანება გასცა განადგურდეს მისი არმიის დანაშაულების ნებისმიერო მტკიცებულება მარიუპოლში. გასულ კვირას ფრთხილი შეფასებები მიუთითებდნენ 5 ათასი დაღუპულის შესახებ. მაგრამ თუ გავითვალისიწნებთ, ქალაქის სიდიდეს, კატასტროფულ ნგრევას, ბლოკადის ხანგრძლივობას და სასტიკ წინააღმდეგობას, მსხვერპლთა რაოდენობა, შესაძლოა ათიათასობით იყოს.

ამის გარდა, ფილტრაციის ბანაკების მეშვეობით ოკუპანტების სიმხეცის ყველა პოტენციურ მოწმის იდენტიფიცირებას და  განადგურებას ცდილობენ“, - ნათქვამია განცხადებაში.  

მარიუპოლის მერის ვადიმ ბოიჩენკოს თქმით, ტრაგედიის ასეთი მასშტაბები, მსოფლიოს ნაცისტების საკონცენტრაციო ბანაკების არსებობის შემდეგ არ უნახავს.

 „რაშისტებმა ჩვენი ქალაქი სიკვდილის ბანაკად გადააქცის. სამწუხაროდ, საშინელი ანალოგია სულ უფრო და უფრო დასტურდება. ეს უკვე ჩეჩნეთი და ალეპო აღარ არის. ეს ახალი ოსვენციმი და მაიდანეკია, მსოფლიო უნდა დაგვეხმაროს პუტინის არაადამიანების დასჯაში“, - განაცხადა მან.