ძალიან ვწუხვარ. როდესაც წავიკითხე ეს ინფორმაცია, სირცხვილისგან სად წავსულიყავი, - ამის შესახებ სტრატეგია აღმაშენებლის“ლიდერმა, გიორგი ვაშაძემ უკრაინის უმაღლესი რადას თავმჯდომარის მიერ ბუჩაში მიწვევაზე შალვა პაპუაშვილის განცხადებასთან დაკავშირებით განაცხადა.

მისი თქმით, ოპოზიციის წარმომადგენელბმა უნდა მოილაპარაკონ, რომ ბუჩაში ჩავიდნენ და საქართველოს სათქმელი სიტყვა თქვან.

„ძალიან ვწუხვარ. როდესაც წავიკითხე ეს ინფორმაცია, სირცხვილისგან სად წავსულიყავი, არ ვიცოდი. მრცხვენია მართლა, რომ ის წარმოადგენს საქართველოს ხელისუფლებას. ვფიქრობ, რომ ჩვენ ოპოზიცია აქტიური ვართ ამ პროცესში, კოლეგებსაც დაველაპარაკები და ისე უნდა გავაკეთოთ, რომ ჩვენ ჩავიდეთ ბუჩაში და აუცილებლად ქართული სიტყვა, საქართველოს სათქმელი სიტყვა ჩვენ ვთქვათ, რასაც არ აკეთებს ხელისუფლება. მთავარი არის ის, რომ სწორედ ეს მიუთითებს მათ რეალურ სახეზე“, – განაცხადა გიორგი ვაშაძემ.

შალვა პაპუაშვილმა უკრაინის რადას ბუჩაში მიწვევის საპასუხოდ განაცხადა, რომ „საქართველოში მეორე ფრონტის გახსნის მოთხოვნის, დიპლომატიური დემარშების, კონტრაბანდაში უსაფუძვლო დადანაშაულების განუმარტებლობის ფონზე, უკრაინაში ოფიციალური მიწვევა არასათანადოდ ჩანს“.