იტალიის ყოფილმა პრემიერ-მინისტრმა, სილვიო ბერლუსკონიმ განაცხადა, რომ "ღრმად იმედგაცრუებული და დამწუხრებულია" უკრაინაში რუსეთის პრეზიდენტის ვლადიმირ პუტინის ქმედებებით.

ხელისუფლებაში ყოფნისას, ბერლუსკონის ახლო ურთიერთობა ჰქონდა პუტინთან და ერთხელ დასასვენებლად სარდინიაში, თავის ვილაშიც კი უმასპინძლა.

"მე მას ვიცნობდი დაახლოებით 20 წლის წინ და ის ყოველთვის მეჩვენებოდა დემოკრატად და მშვიდობისმოყვარე ადამიანად", - თქვა 85 წლის მილიარდერმა რომში მისი კონსერვატიული პარტიის Forza Italia-ს ყრილობაზე გამოსვლისას.

ბერლუსკონი, რომელიც 1994 წლიდან 2011 წლამდე სამჯერ იყო იტალიის მთავრობის მეთაური, მანამდე პუტინის საჯარო კრიტიკისგან თავს იკავებდა.

"ბუჩასა და სხვა ადგილებში მშვიდობიანი მოსახლეობის ხოცვა-ჟლეტის, რეალური ომის დანაშაულების წინაშე მყოფი რუსეთი ვერ უარყოფს თავის პასუხისმგებლობას", - თქვა ბერლუსკონიმ.