რუსეთი ჩრდილოეთ კავკასიის რეგიონში უკრაინის წინააღმდეგ საბრძოლველად ჯარისკაცების მობილიზაციას ვერ ახერხებს. ამის მიზეზი კი ის არის, რომ რეგიონის მოსახლეობას საომარ მოქმედებებში მონაწილეობა არ სურს.

ამის შესახებ ნათქვამია უკრაინის შეირაღებული ძალების გენშტაბის განცხადებაში.

საბრძოლო დანაყოფების პირადი შემადგენლობის დაკომპლექტებაში შექმნილი კრიტიკული სიტუაციის გამო, რუსეთის შეიარაღებული ძალების სარდლობა გეგმავს ახალი მობილიზაციის დაწყებას ეროვნულ დონეზე. მათი ჩანაფიქრით, მობილიზაცია მისი დაფარვის მიზნით სამხედრო სამსახურში გეგმიური გაწვევის პარალელურად განხორციელდება.

უკრაინის დაზვერვის მონაცემებით, რუსეთს დონეცკისა და ლუჰანსკის ცალკეული რაიონების მცხოვრებლები, რომლებიც გაწვევას არ ექვემდებარებიან  ომში მიჰყავს

დონბასის ოკუპირებულ ტერიტორიაზე მუშაობს რამდენიმე მობილური ბრიგადა, რომელიც გაწვევის ასაკის მამაკაცებს ეძებს.

რუსები ყველა შესაძლებლობებით ცდილობენ მობილიზაციას თავი აარიდონ - წერენ მოხსენებებს, თავს ისახიჩრებენ და იმალებიან, სპეცრაზმის  ერთ-ერთმა გამოცდილმა ქვედანაყოფმა კი სრული შემადგენლობით უარი თქვა მარიუპოლზე შტურმის შემდგომ მცდელობებზე.

უკრაინის შეიარაღებული ძალების სარდლობს მონაცემებით, რუსეთის არმიის ცალკეულ დანაყფებში ჯარისკაცების 80 პორცეტი ბრძოლის გაგრძელებაზე უარს ამბობს, მეთაურები კი კრძალავენ სამხედროების გათავისუფლება სკონტრზქტის დასრულების შემდეგაც.