აშშ-ში ადასტურებენ რომ რუსულ კრეისერ „მოსკვას“ უკრაინული ხომალდსაწინააღმდეგო „ნეპტუნის“ რაკეტები მოხვდა. ამის შესახებ აშშ-ს მაღალი რანგის თანამდებობის პირმა ანონიმურობის დაცვით Reuters-ს განუცხადა.  

მისი თქმით, დაღუპულია ეკიპაჟის შემადგენლობის ნაწილი, თუმცა მათი ზუტი რაოდენობა დაზუსტებელია.

რუსეთის თავდაცვის სამინისტრომ მხოლოდ ფლაგმანის კაპიტნის ანტონ კუპრინის დაღუპვის ცნობა დაადასტურა.

ამასთან, უკრაინის საზღვაოაძალების ინფორმაციით, „მოსკვას“ ეკიპაჟის ევაკუაცია შტორმის გამო ვერ მოხერხდა.

13 აპრილს რუსულ კრეისერ „მოსკვას“  უკრიანის ძალების მხრიდან „ნეპტუნის“ ფრთოსანი რაკეტები მოხვდა. უკრაინის სარდლობის მონაცემებით, გემი დაზიანდა და ცეცხლი გაუჩნდა, რის შედეგადაც ჩაიძირა.

რუსეთის თავდაცვის სამინისტრო ამტკიცებს, რომ ხომალდზე საბრძოლო მასალები აფეთქდა, დაზიანებული ხომალდის კორპუსმა კი ვერ გაუძლო ბუქსირით დანიშნულების ადგილისკენ გადაყვანას და ჩაიძირა.