საქართველოს პარლამენტის დელეგაცია, რომელსაც პარლამენტის თავმჯდომარე შალვა პაპუაშვილი ხელმძღვანელობს, უკრაინის რადას თავმჯდომარესთან ერთად ბუჩასა და ირპინში იმყოფებოდა.

უკრაინის რადის თავმჯდომარემ საქართველოს საპარლამენტო დელეგაციის ბუჩაში ყოფნის დროს გადაღებულ ფოტოები გაავრცელა.

რუსლან სტეფანჩუკმა ქართველ კოლეგებს მადლობა გადაუხადა და აღნიშნა, რომ ყოველთვის უკეთესია მტრის მიერ ჩადენილი სისასტიკის საკუთარი თვალით ნახვა.

„საქართველო რუსეთს არანაირად დაეხმარება. ასეთი დასკვნა საქართველოს პარლამენტის თავმჯდომარემ მას შემდეგ გააკეთა, რაც საკუთარი თვალით იხილა ბუჩა და ირპინი. კიევის რეგიონის ქალაქების მსხვერპლთა საშინელი ამბავი გულგრილს არავის დატოვებს. აქ რუსული ჯარის ნამდვილი სახე ისე ჩანს, თითქოს მას სარკეში უყურებდე“, - წერს სტეფანჩუკი.