აგრესორი რუსეთის საგარეო საქმეთა მინისტრი სერგეი ლავროვი ამბობს, რომ დასავლეთმა უკრაინის პრეზიდენტი ვოლოდიმირ ზელენსკი რუსეთის წინააღმდეგ გამოიყენა, რათა უგულებელყო მინსკის შეთანხმებები. ამის შესახებ ლავროვმა ტელერახ India Today-თან ინტერვიუში განაცხადა.

„ვფიქრობ, რომ დასავლეთმა უბრალოდ გამოიყენა ის (ზელენსკი} რუსეთის წინააღმდეგ. მათ ყველაფერი გააკეთეს, რომ გაემყარებინათ მისი სურვილი მინსკის შეთანხმების უგულებელყოფის შესახებ“, - აღნიშნა ლავროვმა.

ამასთან, მისი განცხადებით, ზელენკის რომ შეესრულებინა თავისი ელექტორატისთვის მიცემული დაპირება, ეთანამშრომლა {რუსეთთან} მინსკის შეთანხმებასთან დაკავშირებით, „კრიზისი {უკრაინაში} დიდი ხნის წინ დასრულდებოდა“.

ლავროვის თქმით, ზელენსკის განცხადებების სერიზული განხილვა შეუძლეებლია, რადგან ის მოსაზრებას მუდმივად იცვლის.

ოკუპანტი ქვეყნის საგარეო საქმეთა მინისტრმა თქვა, რომ უკრაინის პრეზიდენტი მარტში გამოვიდა სამშვიდობო მოლაპარაკებების ინციატივით. „შემდეგ იყო შეხვედრა სტამბოლში, სადაც ლაპარაკი იყო, რომ უკრაინა არ გახდებოდა სამხედრო ალიანსის წევრი და ნეიტრალურ სტატუსს აირჩევდა უსაფრთხოების გარანტიების სანაცვლოდ, გაეროს უსაფრთხოების საბჭოს წევრების ან სხვა ქვეყნების მხრიდან... საუბარი იყო, რომ ეს გარანტიები არ შეეხებოდა ყირიმს, ასევე აღმოსავლეთ უკრაინის ტერიტორიებს. ეს ჩვენი ფომულირება არ ყოფილა, ეს იყო უკრაინული მხარის ფორმულირება. ახლა კი პრეზიდენტი ზელენსკი ამბობს, რომ მზად არ არიან {ამ პირობებზე}. ვიდრე სერიოზულად მივუდგებით ზელენსკის განცხადებებს, მანამდე უნდა გავერკვეთ, შეიძლება თუ არა ამ ადამინისა და მისი გუნდის ნდობა“, - განაცხადა აგრესორმა ლავროვმა.