რუსეთის საოკუპაციო ძალებმა მარიუპოლში, „აზოვსტალის“ ტერიტორიაზე საავადმყოფო დაბომბა
რუსეთის საოკუპაციო ჯარებმა მარიუპოლში, „აზოვსტალის“ ქარხნის ტერიტორიაზე საავადმყოფო დაბომბეს. ამის შესახებ ინფორმაციას უკრაინული მედია, დეპუტატ სერგეი ტარუტაზე დაყრდნობით ავრცელებს.
ტარუტა ამბობს, რომ ნანგრევებში 300-მდე ადამიანი იმყოფება, მათ შორის არიან ბავშვები.
„რუსმა ფაშისტებმა „აზოვსტალის რაიონში, საავადმყოფოზე მძლავრი ბომბი ჩამოაგდეს, ჩემი ინფორმაციით, ნანგრევებში 300-მზე ადამიანი იმყოფება. საავადმყოფოს ერთ ნაწილს თავს აფარებდნენ დაჭრილი დამცველები და მარიუპოლის მცხოვრებლები ბავშვებთან ერთად, რადგან დანგრეულ ქალაქში დასამალი არსად არის“, – წერს სერგეი ტარუტა.
