სამწუხაროდ, „ქართული ოცნება“ არის ერთადერთი ხელისუფლება, რომელმაც უკეთესი საქართველო ჩაიბარა და დღეს, ჩვენი ქვეყანა გაცილებით უარეს მდგომარეობაშია, ვიდრე 10 წლის წინ -  2012 წელს.

გაერთიანებული ოპოზიცია „ძალა ერთობაშიას" წარმომადგენელი კახა ოქრიაშვილი.

მისი თქმით,2012 წელსაც გაცილებით უკეთესი საქართველო გადააბარა სააკაშვილმა „ქართულ ოცნებას“, ვიდრე მიიღო მემკვიდრეობით.

„დღეს „ქართულ ოცნებას“ დაფუძნების 10 წლის იუბილე აქვს და თითქმის 10 წელიწადია ხელისუფლებაში არიან. 

საბჭოთა კავშირის დაშლის შემდეგ, საქართველოს მართავდა ოთხი ხელისუფლება. არ შევჩერდები ზვიად გამსახურდიას მმართველობაზე, რადგან ის ძალიან მოკლე პერიოდს მოიცავდა და ძალადობრივად იქნა დამხობილი. ედუარდ შევარდნაძის მმართველობა მოკლედ რომ შევაფასოთ, ეს იყო ძალიან რთული პერიოდი ჩვენი ქვეყნისთვის და მაინც,  უმძიმესი სურათის მიუხედავად, მან  2003 წელს მიხეილ სააკაშვილს უკეთესი საქართველო გადააბარა, ვიდრე მემკვიდრეობით მიიღო. რაც შეეხება სააკაშვილის მმართველობას, შეგვიძლია ბევრი ვისაუბროთ დანაშაულზე, შეცდომებზე, მაგრამ 2003 და 2012 წლების საქართველოს ვერც შევადარებთ, იმხელა ნახტომი გააკეთა ქვეყანამ. 2012 წელსაც გაცილებით უკეთესი საქართველო გადააბარა სააკაშვილმა „ქართულ ოცნებას“, ვიდრე მიიღო მემკვიდრეობით.

სამწუხაროდ, „ქართული ოცნება“ არის ერთადერთი ხელისუფლება, რომელმაც უკეთესი საქართველო ჩაიბარა და დღეს, ჩვენი ქვეყანა გაცილებით უარეს მდგომარეობაშია, ვიდრე 10 წლის წინ -  2012 წელს.

რას ვგულისხმობ: ეკონომიკური ზრდა;  ლარის კურსი; ფასების ზრდა; კრიმინალის დონე; მიგრაციის დონე; განათლების დონე; კორუფციის მაჩვენებელი; მედია-თავისუფლების დონე; საგარეო ურთიერთობები; მოუგვარებელი კონფლიქტები; პოლიტიკური ნიშნით დევნა და დაპატიმრებები; 2012-2016 წლებში მცირედი წინსვლის შემდეგ მკვეთრი უკუსვლა ადამიანის უფლებების კუთხით; ჩავარდნილი სასამართლო რეფორმა; ჩავარდნილი საარჩევნო რეფორმა; ზედიზედ გაყალბებული ორი არჩევნები; და როგორც ამ ყველაფრის შედეგი, უაღრესად გაღატაკებული და ღირსებადაკარგული ხალხი“, - აცხადებს ოქრიაშვილი.