სახალხო დამცველი ქალთა მიმართ ძალადობის მიზეზებისა და შედეგების შესახებ გაეროს სპეციალური მომხსენებლის ოფიციალურ ვიზიტს ეხმიანება
2016 წლის 15–19 თებერვალს, საქართველოში ოფიციალური ვიზიტით გაეროს სპეციალური მომხსენებელი ქალთა მიმართ ძალადობის,ძალადობის მიზეზებისა და შედეგების შესახებ – დუბრავკა სიმონოვიჩი იმყოფებოდა. სპეციალური მომხსენებელმა შეხვედრები გამართასამთავრობო უწყებების და სამოქალაქო საზოგადოების წარმომადგენლებთან; ასევე, იმყოფებოდა კახეთისა და შიდა ქართლის რეგიონებში. საქართველოს სახალხო დამცველის აპარატი სპეციალური მომხსენებლის ვიზიტის ფარგლებში გამართულ შეხვედრებში აქტიურ მონაწილეობასიღებდა.
ოფიციალური ვიზიტის დასრულების შემდეგ, სპეციალურმა მომხსენებელმა პირველადი რეკომენდაციები 19 თებერვალს გამართულ პრეს–კონფერენციაზე წარადგინა. საბოლოო ანგარიში კი, გაეროს ადამიანის უფლებათა საბჭოს 32–ე სესიაზე, ივნისის თვეში წარედგინება.
