ბელგოროდში, რუსეთის თავდაცვის სამინისტროს ობიექტის ტერიტორიაზე აფეთქებები მოხდა
რუსეთში, ბელგოროდში სამხედრო ობიექტის ტერიტორიაზე აფეთქებები მოხდა, რაც ოლქის გუბერნატორმა ვიაჩესლავ გლადკოვმაც დაადასტურა. ინფორმაციას რუსული მედია ავრცელებს. გლადკოვის თქმით, ხანძარი ერთდროულად სამ რაიონში გაჩნდა.
„სამი მუნიციპალიტეტის - ბორისოვისა და ბელგოროდის რაიონებში და იაკოლევსკის საქალაქო ოლქში რუსეთის თავდაცვის სამინისტროს ერთ-ერთი ობიექტის ტერიტორიაზე ხანძარი გაჩნდა, ინფორმაცია დაშავებულებისა და ნგრევის შესახებ ზუსტდება“, - განაცხადა გლადკოვმა. მისივე თქმით, დამატებითი ინფორმაცია მოგვიანებით გავრცელდება.
