რუსეთის საოკუპაციო არმიამ ოდესაზე სარაკეტო იერიში მიიტანა, არიან დაღუპულები და დაჭრილები
რუსეთმა სარაკეტო იერიში მიიტანა ოდესაზე, რომლის შედეგად არიან დაღუპულები და დაჭრილები. ინფორმაციას საოლქო სამხედრო ადმინისტრაციის ხელმძღვანელი მაქსიმ მარჩენკო Telegram-არხზე ავრცელებს.
„მტერმა სარაკეტო დარტყმა მიაყენა ოდესის ინფრასტრუქტურის ერთ-ერთ ობიექტს. სამწუხაროდ არიან დაღუპულები და დაჭრილები. ჩვენ ამას ასე არ დავტოვებთ“, - ამბობს მარჩენკო.
ოდესის საკრებულოში განაცხადეს, რომ ასევე დაზიანდა რელიგიური დაწესებულება.
დაღუპულებისა და დაჭრილების რაოდენობის შესახებ ინფორმაცია არ ვრცელდება.
