არ მახსენდება ისეთი შეურაცხყოფა, რომელიც უკრაინის რიგი მაღალჩინოსნების მხრიდან მოგვადგა, - ასე უპასუხა  ტელეარხ „ფორმულას“ გადაცემა „დროების“ ჟურნალისტის შეკითხვას "ქართული ოცნების დეპუტატმა ნინო წილოსანმა.

„თუ გახსენდებათ ისეთი შემთხვევა, როცა „ქართული ოცნების“ დეპუტატებმა პუტინის მისამართით იხმარეს სიტყვა „ვიგინდარა“ ან „სამარცხვინო?“ - ჰკითხა წილოსანს ჟურნალისტმა.

"მე არ მახსენდება ისეთი შეურაცხმყოფელი ფაქტები ჩვენი ქვეყნის მისამართით, თუ არ ჩავთვლით ძირითად ტრაგედიას, ოკუპაციას, ამის შემდეგ ნამდვილად არ მახსენდება ისეთი შეურაცხყოფა, რომელიც უკრაინის რიგი მაღალჩინოსნების მხრიდან მოგვადგა". - უპასუხა „ქართული ოცნების“ დეპუტატმა შეკითხვას.

წილოსანის კომენტარის სრული ვერსია ეთერში 8 მაისს, 20:00 საათზე გავა.