გორის მუნიციპალიტეტში უხვმა ნალექმა პრობლემები შექმნა
გორის მუნიციპალიტეტის სოფელ სკრაში მდინარე მტკვრის ადიდების შედეგად, წყალი დასახლებულ უბნებში შევიდა. დატბორილია 40-მდე საცხოვრებელი სახლის ეზოები და სარდაფები.
დასახლება მდინარე მტკვრის ახლოს მდებარეობს და აღნიშნული პრობლემა მოსახლეობას წლებია, ყოველ გაზაფხულზე ექმნება.
ადგილობრივები სანიაღვრე არხების გაწმენდას და ახალი არხების გაკეთებას ითხოვენ.
