შეერთებულმა შტატებმა რუსეთის წინააღმდეგ სანქციების ახალი პაკეტი გამოაქვეყნა, რომელთა დაწესებას „დიდი შვიდულის“ ქვეყნებთან ერთად გეგმავს. ინფორმაციას თეთრი სახლის ადმინისტრაცია ავრცელებს.

როგორც ცნობილი გახდა, აშშ-მა სანქციები დაუწესა სამთავრობო მედიას - „რუსეთის პირველ არხს“,  „როსია 1“-ს,  და „ნტვ“-ს. სანქციები ამერიკულ კომპანიებს უკრძალავს ამ არხებზე განათავსოს რეკალმები და მიაწოდოს მას აღჭურვილობა.

ასევე სანქციების ქვეშ აღმოჩნდა რუსეთის უმსხვილესი ბანკების -„სბერბანკის“ რვა და „გაზპრომბანკის“ 27 აღმასრულებელი პირი.

ასევე, შეიზღუდება რუსეთის ფედერაციის ნებისმიერი პირისთვის აშშ-ის მოქალაქის მხრიდან ბუღალტრული, კორპორაციული და მენეჯმენტის საკონსულტაციო მომსახურების გაწევა, რომლებიც მნიშვნელოვან როლს თამაშობენ რუსული კომპანიებისა და ელიტის მხრიდან სიმდიდრის დაგროვების, ქონების დამალვისა და სანქციებისგან თავის არიდების მიმართულებით.