უკრაინის თავდაცვის სამინისტროში აცხადებენ, რომ შავი ზღვის აკვატორიაში რუსეთის მხრიდან სამხედრო და სამოქალაქო ობიექტების წინააღმდეგ  ფრთოსანი რაკეტების გამოყენების საფრთხე მაღალია.

გამოცემა „უნიანის“ ინფორმაციით, ამის შესახებ ურაინის თავდაცვის სამინისტროს სპიკერმა ოლექსანდრ მოტუზიანიკმა განაცხადა.

„შავი ზღვის აკვატორიაში ამჟამად იმყოფება საზღვაო ბაზირების „კალიბრის“ ტიპის ფრთოსანი რაკეტების შვიდი მატარებელი. მათი სარაკეტო ზალპი, შესაძლოა, შეადგენდეს 50-მდე რაკეტას“, - აღნიშნა მან.

მოტუზიანიკის თქმით,  რუსეთის მიერ ქალაქ კიევისა და კიევის ოლქის წინააღმდეგ სარაკეტო დატყმების საშიშროება შენარჩუნებულია.

„ჩვენთვის ცნობილია ბელარუსის ტერიტორიაზე განთავსებული „ისკანდერის“ ტიპის ტაქტიკური სარაკეტო კომპლექსების, ასევე შვიდი ხომალდის შესახებ, რომლებიც შავი და აზოვის ზღვების აკვატორიაში იმყოფება, მათ გადააქვთ „კალიბრის“ ტიპის საზღვაო ბაზირების ფრთოსანი რაკეტები, რომლითაც რუსეთმა, შესაძლოა, სარაკეტო დარტყმები განახორციელოს უკრაინის მთელ ტერიტორიაზე.

მისი თქმით, უკრაინის არცერთი ტერიტორია სარაკეტო დარტყმებისგან დაზღვეული არ არის და მოსახლეობას მოუწოდა არ უგულებელყონ საჰაერო განგაში.