ამერიკული ანალიტიკური ცენტრის, „ომის შემსწავლელი ინსტიტუტის“(ISW) ექსპერტთა შეფასებით, რუსეთის არმიამ შესაძლოა, უარი თქვა უკრაინის ქალაქ იზიუმიდან სამხრეთით გარღვევაზე და უკრაინის სამხედრო ძალების სრულად ბლოკირებაზე იზიუმი-სლავიანსკი-დებალცევოს მიმართულებით.

12 მაისის მდგომარეობით, რუსეთის არმია სევეროდონეცკიდან ჩრდილოეთით თითქმის სრულად აკონტროლებს რუბეჟნოესა და ვოევოდოვკას. რუსი ოკუპანტები სავარაუდოდ, უახლოეს დღეებში შეეცდებიან დაიწყონ სახმელეთო შეტევა სევერედონეცკზე ან მის შემოგარენზე. რუსული ძალების შედარებითი წარმატება სევეროდენეცკთან, იზიუმის მიმართლულებით მისი წარუმატებელი მცდელობების ფონზე, მოწმობს იმას, რომ რუსეთმა, შესაძლოა უარი თქვას იზიუმის ბლოკირებაზე.

ISW-ის შეფასებით, რუსი სამხედროები სავარაუდოდ, აირჩევენ გაცილებით მცირე მასშტაბის ალყაში სევეროდონეცკის და ლისიჩანსკის მოქცევას.

„გაურკვეველია შეძლებენ თუ არა რუსეთის ძალები ალყაში მოაქციონ, აღარ არის ლაპარაკი მის დაკავებაზე, სევეროდენეცკი და ლისიჩანსკი, მაშინაც კი თუ რუსები ამ მიზნისთვის თავიანთი ძალების სრულ  კონცენტრაციას მოახდენენ, რადგან უკრაინის დასახლებულ პუნქტებზე იერიშისას რუსი სამხედროები ყოველთვის მნიშვნელოვან პრობლემებს აწყდებიან“, - ამბობენ ექსპერტები.

ამასთან, ახალი ინფორმაციები რუსული ქვედანაყოფების დემორალიზაციასა და სამხედროების მხრიდან საბძოლო მოქმედებებში ჩართვაზე უარის თქმის შესახებ მოწმობს, რომ რუსული არმიის საბრძოლო ძალის ეფექტიანობა აღმოსავლეთით დაბალია და შესაძლოა კიდევ უფრო შემცირდეს.