უკრაინაში რუსეთის აგრესიას უკვე 227 ბავშვი ემსხვერპლა, 420-ზე მეტი დაშავდა, ამის შესახებ ინფორმაციას უკრაინის გენერალური პროკურატურა ავრცელებს.

პროკურატურაში აღნიშნავენ, რომ მონაცემები ზუსტი არ არის, რადგან მიმდინარეობს სამუშაოები დაშავებულების დასაგენად აქტიური საბრძოლო მოქმედებების ადგილებში, დროებით ოკუპირებულ და გათავისუფლებულ ტერიტორიებზე.

უწყების ინფორმაციით, ბავშვები ყველაზე მეტად დაშავდნენ დონეცკის (139), კიევის (116), ხარკოვის (99), ჩერნიჰოვის (68), ხერსონის (48), ლუჰანსკის (45), მიკოლაივის(44), ზაპოროჟიეს (28), სუმის (17), ჟიტომირის (15) ოლქებში, ასევე კიევში(16).

 რუსეთის ძალების დაბომბვების გამო უკრაინის ქალაქებსა სოფლებში დაზიანდა 1 748 სასწავლო დაწესებულება, მათ შორის 144 სრულად დანგრეულია.