უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა, რომ ნატო რუსეთის ქალაქ სანქტ-პეტერბურგს მიუახლოვდება ალიანსში ფინეთის გაწევრიანების შემდეგ. ამის შესახებ პოდოლიაკი Twitter-ზე წერს.

„რუსეთმა საბოლოოდ თავი მოაბეზრა მთელ მსოფლიოს, მოსკოვის მუქარები აღარავის აინტერესებს, ნატო-ს საზღვრები სანქტ-პეტერბურგის გარეუბნებს მიაღწევს - ფინეთის პრეზიდენტ საული ნიინისტეს ლაპარაკი რუსეთის პრეზიდენტთან დიპლომატიურიდან უბრალო ენაზე შეიძლება ასე გადაითარგმნოს.

კეთილი იყოს შენი მობრძანება ახალ რეალობაში, ბატონო პუტინო“, - წერს პოდოლიაკი.

12 მაისს ფინეთის პრეზიდენტმა საული ნიინისტემ და პრემიერ-მინისტრმა სანა მარინიმ ოფიციალურად განაცხადეს, რომ ნატო-ში ქვეყნის გაწევრიანებას მხარს უჭერენ.