გაეროს წარმომადგენლები კვლავ აცხადებენ, რომ უკრიანის მარცვლეულის ექსპორტის ბლოკირების გამო მსოფლიოს სასურსათო კრიზისი ემუქრება.

ხორბლის მსოფლიო მიწოდების 10 პროცენტის წილი უკრაინაზე მოდის, თუმცა რუსეთმა ომის დაწყებიდან დაბლოკა შავ ზღვაში უკრაინის საკვანძო პორტები, საიდანაც ტრანსპორტირება ხორციელდებოდა. ოდესისა და სხვა ქალაქების საცავებში დასავლეთში ექსპორტს ასობით ათასი ტონა მარცვლეული ელოდება.

„პორტები დაუყოვნებლივ უნდა გაიხსნას, რადგან საუბარია არამხოლოდ უკრაინაზე, არამედ მსოფლიოს ყველაზე გაჭირვებულ ადამიანებზე, რომლებიც ამ მომენტისთვის შიმშილის ზღვარზე იმყოფებიან. მოვუწოდებ პრეზიდენტ პუტინს, გახსნას პორტები, თუ კი მას გული გააჩნია“, - განაცხადა გაეროს სასურსათო პროგრამის ხელმძღვანელმა დევიდ ბიზლიმ ნიუ იოკრში სასურსათო სამიტზე.

გაეროს გენერალურმა მდივანმა ანტონიუ გუტერეშმა თავის მხრივ განაცხადა, რომ მსოფლიოს მასობრივი შიმშილი ელოდება, თუ შექმნილი სიტუაცია არ მოგვარდება.

მისი თქმით, ის აწარმოებს საგანგები მოლაპარაკებებს რუსეთთან, უკრაინასთან, თურქეთთან, აშშ-თან და ვეროკვაშირთან, მაგრამ როგორც ჩანს, ამ პრობლემის სწრაფი გადაწყვეტა არ მოხდება.

გუტერეშმა ასევე განაცხადა, რომ სანქციების გამო მნიშვნელოვნად დარღვეულია რუსეთიდან სასუქის ექსპორტი, რაც ასევე გახდება სასურსათო კრიზისის ერთ-ერთი მიზეზი.