ფინეთს არ სურს, რომ ნატო-მ მის ტერიტორიაზე ბირთვული იარაღი ან სამხედრო ბაზები განათავსოს ალიანსში გაწვერიანების შემთხვევაშიც კი.

ამის შესახებ პრემიერ-მინისტრმა სანა მარინიმ იტალიურ მედიასთან ინტერვიუში განაცხადა.

ფინეთმა და შვედეთმა ნატო-ში გაწევრიანებაზე ოფიციალური განაცხადი 18 მაისს წარადგინეს. ამ ნაბიჯისკენ მათ უკრაინაში რუსეთის სასტიკმა შეჭრამ უბიძგა.

მარინმა Corriere della Sera-ს განუცხადა, რომ ფინეთში ბირთვული იარაღის განთავსება და ნატო-ს ბაზების გახსნა ალიანსში გაერთიანების თაობაზე მოლაპარაკებების ნაწილს არ წარმოადგენს.

„არ ვფიქრობ, რომ ფინეთში არსებობს ინტერესი ბირთვული იარაღის განთავსების ან ნატო-ს ბაზების გახსნის შესახებ“, - განაცხადა მან.

ნატო-ში გაწევრიანებაზე განაცხადი ფინეთთან ერთად შვედეთმაც შეიტანა. შვედეთის პრემიერ-მინისტრმა მაგდალენა ანდერსონმა ასევე განაცხადა, რომ მის ქვეყანას არ სურს თავის ტერიტორიაზე ნატოს-ს ბაზების ან ბირთვული იარაღის განთავსება.

მოსალოდნელია, რომ ფინეთის პრეზიდენტი საული ნიინისტე და შედეთის პრემიერ-მინისტრი ანდერსონი აშშ-ს პრეზიდენტს ჯო ბაიდენს ხუთშაბათს, ვაშინგტონში შეხვდებიან.