რუსეთის სახელწიფო ენერგეტიკური კომპანიის "როსნეფტის" დირექტორთა საბჭოს თავმჯდომარემ, გერჰარდ შროდერმა თანამდებობა დატოვა.

"როსნეფტის" მიერ გავრცელებულ განცხადებაში აღნიშნულია, რომ "შეუძლებელი გახდა კომპანიის დირექტორთა საბჭოში მისი უფლებამოსილების გაგრძელება".

ამავე მიზეზით დირექტორთა საბჭო დატოვა მათიას ვარნიგმა, "ჩრდილოეთის ნაკადი 2"-ის გაზსადენის ოპერატორი კომპანიის Nord Stream AG-ის მმართველმა დირექტორმა.

უკრაინაში ომის დაწყების შემდეგ, შროდერმა შეინარჩუნა პოსტი რუსულ კომპანიაში, რის გამოც გერმანიაში მას მკაცრად აკრიტიკებდნენ. ცოტა ხნით ადრე, The New York Times-ისთვის მიცემულ ინტერვიუში შროდერმა თქვა, რომ დატოვებს "როსნეფტი"ს დირექტორთა საბჭოს, თუ მოსკოვი შეწყვეტს ნავთობისა და გაზის მიწოდებას ევროპაში, რაც, მისი აზრით, არ მოხდება.

გერჰარდ შროდერი ხელმძღვანელობდა გერმანიის მთავრობას 1998-2005 წლებში. შემდეგ ის მუშაობდა რუსეთთან დაკავშირებულ პროექტებში: როსნეფტის დირექტორთა საბჭოს გარდა, ის ასევე თავმჯდომარეობს Nord Stream AG-ის აქციონერთა კომიტეტს.

2022 წლის თებერვალში გაზპრომმა იგი წარადგინა კომპანიის დირექტორთა საბჭოში, მაგრამ ამის შესახებ გადაწყვეტილება ჯერ მიღებული არ არის.

უკრაინაში ომის დაწყების შემდეგ, გერმანიის პარლამენტმა ჩამოართვა გერჰარდ შრედერს ზოგიერთი პრივილეგია, რომლითაც ის სარგებლობდა როგორც ყოფილი კანცლერი.