აშშ-ში ტორნადოს სამი ადამიანი ემსხვერპლა
სულ მცირე სამი ადამიანი დაიღუპა აშშ-ის სამხრეთით ძლიერი ტორნადოს შედეგად.
ხელისუფლების ცნობით, ტორნადომ მნიშვნელოვანი ზიანი მიაყენა ლუიზიანას, მისისიპისა და ფლორიდის შტატებს.
ორი ადამიანი, რომლებიც ავტოფურგონებში იმყოფებოდნენ, სამხრეთ ლუიზიანაში დაიღუპა. კიდევ ერთი ადამიანი სტიქიას მისისიპის შტატის ქალაქ პერვისში ემსხვერპლა.
მეტეოროლოგების პროგნოზით სტიქიამ შესაძლოა მოიცვას ალაბამასა და ჯორჯიის შტატებიც.
