რუსეთის სახმელეთო ჯარები აგრძელებენ სევერდონეცკისა და ლისიჩანსკის ალყაში მოქცევის მცდელობას. მათ პოპასნიადან სამხრეთ-დასაველეთით რამდენიმე სოფლის დაკავება შეძლეს. თუმცა უკრაინის ძალები კონტროლს ისევ ინარჩუნებენ.

ამის შესახებ ნათქვმია ბრიტანეთის თავდაცვის სამინისტროს დაზვერვის ინფორმაციაში.

უწყების ანგარიშში აღნიშნულია, რომ რუსეთი ახორციელებს ზეწოლას სევროდენეცკზე, თუმცა უკრაინა ინარჩუნებს კონტროლს რამდენიმე სექტორზე და რუსეთს ხელს უშლის დონბასზე სრული კონტროლი დაამყაროს.

რაც შეეხება ვითარებას სამრეთ უკრაინაში, ბრიტანეთის დაზვერვა აღნიშნავს, რომ რუსეთის სამხრეთის ჯარების დაჯგუფების წინაშე კვლავ დგას უკრაინის სამხრეთ ტერიტორიების ოკუპაციის ამოცანა.

აღნიშნულია, რომ ბოლო დღეებში რუსეთმა ღრმა საწყობიდან გამოყვანა 50 წლის წინანდელი Т-62 ტიპის ტანკები და სამხრეთის მიმართულების პაუხისმგებლობის ზონაში გადაისროლა.

"Т-62, სავარაუოდ განსაკუთრებით მოწყვლადი იქნება ტანკასწინააღმდეგო საშუალებების მიმართ და მათი გამოყვანა ბრძოლის ველზე ხაზს უსვამს რუსეთის თანამედროვე ბრძოლისუნარიანი ტექნიკის ნაკლებობას“, - აღნიშნილია ანგარიშში.

გუშინ, ბრიტანეთის დაზვერვა იუწყებოდა, რომ რუსეთმა ვერ შეძლო თავისი საჰაერო-სადესანტო ჯარების სწორად გამოყენება უკრაინაში, რამაც გამოიწვია მნიშვნელოვანი დანაკარგი რუსეთის ძალების ბევრ ელიტურ დანაყოფებში.