უკრაინის მართლმადიდებლურმა ეკლესიამ რუსეთის ეკლესიისგან სრული დამოუკიდებლობა გამოაცხადა. შესაბამისი გადაწყვეტილება ეკლესიის კრებამ მიიღო.

ინფორმაციას გამოცემა „უნიანი“ უკრაინის მართლმადიდებლური ეკლესიის საბჭოს განცხადებაზე დაყრდნობით ავრცელებს.

უკრაინის მართლმადიდებლური ეკლესიის კრება არ დაეთანხმა ომის შესახებ რუსეთის პატრიარქ კირილის პოზიციას და შეიტანა ცვლილებები უკრაინის მართლმადიდებლური ეკლესიის წესდებაში.

„ჩვენ არ ვეთანხმებით მოსკოვისა და სრულიად რუსეთის პატრიარქის კირილეს პოზიციას უკრაინის ომთან დაკავშირებით. საბჭომ მიიღო შესაბამისი ცვლილებები უკრაინის მართლმადიდებლური ეკლესიის ადმინისტრაციის წესდებაში, რაც მოწმობს უკრაინის მართლმადიდებლური ეკლესიის სრულ დამოუკიდებლობას“, – ნათქვამია ეკლესიის კრების დოკუმენტში.

ამასთან, ეკლესიამ მოუწოდა უკრაინისა და რუსეთის ხელისუფლებას, გააგრძელონ მოლაპარაკებები სისხლისღვრის შესაჩერებლად.