ახმეტაში "კონსერვატიული მოძრაობის" ოფისის გახსნა გააპროტესტეს
ახმეტაში "კონსერვატიული მოძრაობის" ოფისის გახსნა გააპროტესტეს.
მოქალაქეები ალტ-ინფოსთან დაკავშირებული პარტიის ოფისთან შეიკრიბნენ ტრანსფარანტებით - "არა რუსეთს, არა მონობას, არა ალტ-ინფოს".
პარტიის ოფისთან მოქალაქეების გამოჩენას სიტყვიერი დაპირისპირება მოჰყვა. ხმაურის დროს პოლიციამ ტერიტორიიდან ორი პირი განარიდა.
საპროტესტო აქცია დაახლოებით 1 საათის განმავლობაში მიმდინარეობდა. აქტივისტები აცხადებენ რომ კონსერვატიული მოძრაობის საქმიანობის შეწყვეტის მოთხოვნით კვლავ გამართავენ აქციებს.
