რუმინეთის დედაქალაქ ბუქარესტში შოთა რუსთაველის ბიუსტი გაიხსნება. ამის შესახებ ნათქვამია თბილისის მერიის მიერ გავრცელებულ ინფორმაციაში.

უწყების ცნობით, ბიუსტი მეფე მიჰაი I-ის სახელობის პარკში გაიხსნება. საზეიმო ცერემონიას თბილისის მერი კახა კალაძეც დაესწრება, რომელიც დელეგაციასთან ერთად მიემგზავრება ბუქარესტში.

"თბილისის მერი კახა კალაძე 30-31 მაისს ოფიციალური ვიზიტით რუმინეთის დედაქალაქ ბუქარესტს ეწვევა.

ვიზიტის ფარგლებში, დაგეგმილია ორმხრივი შეხვედრა ბუქარესტის მერ ნიკუშორ დანთან. კახა კალაძე და ნიკუშორ დანი ხელს მოაწერენ თბილისისა და ბუქარესტის დაძმობილების ხელშეკრულებას.

ბუქარესტში, მეფე მიჰაი I-ის სახელობის პარკში ასევე, საზეიმოდ გაიხსნება შოთა რუსთაველის ბიუსტი.

თბილისის მერთან ერთად, დელეგაციაში საკრებულოს თავმჯდომარე გიორგი ტყემალაძე, ასევე, პარლამენტისა და საკრებულოს წევრები იმყოფებიან", - ნათქვამია მერიის მიერ გავრცელებულ ინფორმაციაში.