რუსული ნავთობი, გამოცხადებული ემბარგოს მიუხედავად, აშშ-ში მაინც იგზავნება. ამის შესახებ The Wall Street Journal-ი წერს.

ბაზრის მონაწილეებმა WSJ-ს უთხრეს, რომ ნავთობის ტრეიდერები პოულობენ ხერხებს გვერდი აუარონ რუსულ ნავთობზე აშშ-ის მიერ დაწესებულ სანქციებს. კერძოდ, ისინი მალავენ, რომ რუსული ნედლი ნავთობი გამოიყენება ბენზინში, დიზელის საწვავში ან სხვა გადამუშავებულ პროდუქტებში.  

გამოცემის მონაცემებით, საწვავის ტვირთი, რომელიც ნაწილობრივ წარმოებული იყო რუსული ნავთობისგან, მაისში საზღვაო გზით  ნიუ იორკსა და ნიუ ჯერსიში ჩავიდა. ის აშშ-ში ჩაიტანეს სუეცის არხისა და ატლანტის ოკეანის გავლით ინდოეთის ნავთობგადამამუშავებელი ქარხნებიდან, რომლებიც რუსული ნავთობის მსხვილი მყიდველები არიან.

ასევე, გამოცემის ცნობით, რუსეთში მოპოვებული ნავთობი გადაიქაჩება ხომალდებს შორის ხმელთაშუა და შავ ზღვებში, ასევე დასავლეთ აფრიკის სანაპიროებთან, შემდეგ კი სხვა წარმოშობის მითითებით იგზავნება არა მხოლოდ ჩინეთსა და ინდოეთში, არამედ ევროპის სხვა ქვეყნებშიც.

აშშ-ის პრეზიდენტმა ჯო ბაიდენმა უკრაინაში რუსეთის სასტიკი შეჭრიდან რამდენიმე დღეში - 8 მარტს რუსული ნავთობისა და გაზის ნავთობის აკრძალვის შესახებ განაცხადა. ევროკავშირმა 31 მაისს განაცხადა, რომ სანქციების ახალი პაკეტის ფარგლებში შეათანმა რუსულ ნავთობზე ნაწილობრივი ემბარგო, რომელიც არ შეეხება გაზსადენებით მიწოდებას. პაკეტში ასევე შედის რუსული ნავთობის საზღვაო ტრანსპორტირების დაზღვევის აკრძალვა, რომელსაც მხარი დაუჭირა დიდმა ბრიტანეთმა, შესაბამისად, ის ვრცელდება ამ სფეროში უმსხვილეს სადაზღვევო ბაზარზე - Lloydʼs of London.

ამასთან, ვრცელდება ინფორმაცია, რომ სანქციების ფონზე ინდოეთმა და ჩინეთმა რუსული ნავთობის იმპორტი გაზარდეს, რომელიც დიდი ფასდაკლებით იყიდება.