პენტაგონში ჯო ბაიდენის მიერ უკრანისთვის 700 მლნ დოლარის მოცულობის დახმარების ახალი პაკეტის დეტალებზე ისაუბრეს. როგორც ცნობილია, აღნიშნული დახმარება ითვალისწინებს ზალპური ცეცხლის რეაქტიულ სისტემებს HIMARS-ს.

პაკეტის პირველ პუნქტი მოიცავს HIMARS-ს საბრძოლო მასალებთან ერთად. მისი რაოდენობა არ სახელდება. ამასთან, სააგენტო Reuters-ი პენტაგონის მღალჩინოსან კოლინა კალიაზე დაყრდნობით იუწყება, რომ უკრაინას თავიდან გადაეცემა ოთხი სისტემა HIMARS-ი, უკრაინელი სამხედროების წვრთნას ამ სისტემების გამოყენებისთვის დაახლოებით სამი კვირა დასჭირდება.

დახმარების პაკეტში ასევე შედის:

ხუთი კონტრბატარეული სარადარო სისტემა,  ორი სარადარო სისტემა საჰაერო მონიტორინგისთვის;

1000 „ჯაველინი“ და 50 გამშვები დანადგარი (Command Launch Units);

6 000 ერთეული ტანკსაწინააღმდეგო იარაღი;

15 ათასი ჭურვი 155 მმ-იანი ჰაუბიცებისთვის;

ოთხი ვერტმფრენი - მი-17;

15 ტაქტიკური სატრანსპორტო საშუალება;

სათადარიგო ნაწილები და სხვა აღჭურვილობა;

ეს უკვე დახმარების მე-11 პაკეტია, რომელიც პენტაგონმა უკრაინას 2021 წლის აგვისტოდან გამოუყო. ბაიდენის ადმინისტრაციის მუშაობის დაწყებიდან უკრაინას 5,3 მლრდ დოლარის მოცულობის დახმარება გამოეყო, მათ შორის 4,6 მლრდ დოლარი 24 თებერვლის შემდეგ.

შეგახსენებთ, ცოტა ხნის წინ ცნობილი გახდა, რომ თეთრი სახლი უკრაინისთვის უსაფრთოების ახალ პაკკეტს გამოუყოფს, რაც შემდეგ  ჯო ბაიდენმა ოფიციალურად გამოაცხადა.