რუსეთის ჯარებმა უკრაინის 3 620 დასახლებული პუნქტი დაიკავეს, მათ შორის 1 017 გათავისფლებულია, კიდევ 2 603 კი გასათავისუფლებელი, - ამის შესახებ უკრაინის პრეზიდენტმა ლუქსემბურგის პარლამენტისადმი ვიდეომიმართვისას განაცხადა.

 „დღეის მდგომარეობით, ოკუპანტები ჩვენი ტერიტორიების 20 პროცენტს აკონტროლებენ. თითქმის 125 ათას კვადრატულ კილომეტრს. ეს გაცილებით მეტია, ვიდრე ერთად აღებული ბენილუქსის ქვეყნების ფართობი“, - განაცხადა ზელენსკიმ.

 „დაახლოებით 300 ათასი კვადრატული კილომეტრი სავსეა აუფეთქებელი ნაღმებითა და ჭურვებით“, - დასძინა მან.

ასევე ზელენსკის თქმით, უკრაინაში ფრონტის ხაზი ათას კმ-ს აღწევს.