შვეიცარია, მიუხედავად თავისი ტრადიციული ნეიტრალური პოზიციისა, ზრდის თავდაცვის ხარჯებს მშპ-ის სულ მცირე 1%-ით, რადგან რუსეთის სასტიკმა შეჭრამ უკრაინაში, ვეროპაში სიტუაცია შეცვალა. იუწყება „დოიჩე ველე“.

შვეიცარიის პარლამნტმა დაამტკიცა ხარჯების გაზრდა, რაც ზრდის თავდაცვის ყოველწლიურ ხარჯებს 2030 წლისთვის დაახლოებით 5,5 მილიარდიდან (5,7 მლრდ ევრო) სულ მცირე 7 მლრდ შვეიცარიულ ფრანკამდე.

უნდა აღინიშნოს, რომ მიმდინარე თავდაცვის ხარჯები მშპ-ის 0,71%-ს შეადგენს.

თავდაცვის მინისტრმა ვიოლა ამჰერდმა განაცხადა, რომ მთავრობა უკვე ახორციელებს ხარჯების გაზრდის გეგმას.

"უსაფრთხოებასთან დაკავშირებული სიტუაციის გათვალისწინებით, მიზანშეწონილია არმიაში არსებული პრობლემების სწრაფად აღმოფხვრა, ვიდრე აქამდე იყო დაგეგმილი“, - განაცხადა მინისტრმა.