რუსეთმა ვერ შეძლო თავდაპირველი მიზნების მიღწევა: კიევისა და უკრაინის სახელმწიფო მართვის ცენტრების აღება. ამის შესახებ ბრიტანეთის დაზვერვის ინფორმაციაშია ნათქვამი.

უკრაინელების მედგარი წინააღმდეგობისა და რუსების მიერ ჰოსტომელის აეროდრომის დაკავების წარუმატებელი მცდელობის შედეგად, პირველ 24 საათში უკრაინელმა სამხედროებმა შეტევა მოიგერიეს.

თავდაპირველი გეგმის ჩაშლის შემდეგ, დაგეგმვისას დაშვებული შეცდომებისა და ამ გეგმების დამაზიანებელი ტაქტიკური შესრულების გამო რუსეთის ომის კონცეფცია შეიცვალა და დონბასში გადაინაცვალა.  

ბრიტანეთის დაზვერვის თანახმად, ამჟამად, დონბასში რუსეთს ტაქტიკური წარმატებები აქვს, რუსეთის არმია ინარჩუნებს ტემპს და შეტევაში ინიციატივას. ამ მომენტისთვის რუსეთი ლუჰანსკის ოლქის 90 პროცენტს აკონტროლებს.

უახლოეს ორ კვრაში, სავარაუდოდ, ის ამ მაჩვენებელს 100 პროცენტამდე გაზრდის. მაგრამ ეს მიღწეული იქნება რესურსების დიდი ხარჯის ფასად, ასევე ერთ მცირე მონაკვეთზე ძალებისა და საცეცხლე საშუალებების დიდი კონცენტრაციის ხარჯზე.

"სხვა ფრონტებზე და მიმართულებებზე რუსეთმა ვერ შეძლო მანევრების ან გადაადგილების რეალიზება და თავდაცვაზე გადავიდა. თუ შევადარებთ თავდაპირველ გეგმას, რუსეთმა ვერცერთ სტრატეგიულ მიზანს ვერ მიაღწია.

იმისთვის, რომ რუსეთმა შეძლოს გარკვეული ფორმით მაინც წარმატების მიღწევა, დასჭირდება უზარმაზარი ადამიანური და მატერიალური რესურსი და დიდი დამატებითი დრო",- აღნიშნულია დაზვერვის ინფორმაციაში.