მე მიკვირს, თუ რამდენი მეურვე გამოუჩნდა უკრაინის პრეზიდენტს, - განაცადა საქართველოს პარლამენტის თავმჯდომარე შალვა პაპუაშვილმა პლენარულ სხდომაზე ანგარიშის წარდგენის შემდეგ დეპუტატების შეკითხვების პასუხად.

"მე მიკვირს, თუ რამდენი მეურვე გამოუჩნდა უკრაინის პრეზიდენტს და მისი სახელით მოსაუბრე ადამიანი და მაშინაც ვთქვი და განვმეორდები- არც ერთხელ, უკრაინის პრეზიდენტს არ გამოუთქვამს სურვილი და ალბათ არის ამის მიზეზი და მე ვვარაუდობ რაც შეიძლება იყოს. თქვენ იცით, რომ სამწუხაროდ დღემდე, საუბარი იყო, რომ თითქმის არ დარჩა ევროპის ქვეყანა, რომლის პარლამენტისთვის არ მიუმართავს უკრაინის პრეზიდენტს, არათუ თითქმის, ევროპაში არ არის არც ერთი ქვეყანა, საიდანაც უკრაინას გაწვეული ჰყავს ელჩი," - თქვა პაპუაშვილმა.

მან ოპოზიციის წარმომადგენლებს მოუწოდა თავიანთი ძალისხმევა უკრაინის ხელისუფლების მიმართ გამოიყენონ, რათა ქვეყანაში ელჩი დააბრუნოს- "მე მოგიწოდებთ პირიქით მიმართოთ ეს ძალისხმევა, მიმართოთ უკრაინის ხელისუფლების მიმართ, რომ დააბრუნონ მათ ელჩი საქართველოში," - თქვა პაპუაშვილმა.