უკრაინის პრეზიდენტი ვოლოდიმირ ზელენსკი კიევში დიდი ბრიტანეთის თავდაცვის მდივან ბენ უოლესს შეხვდა.

ამის შესახებ ინფორმაციას ზელენსკი სოციალურ ქსელში ავრცელებს.

„იარაღი, ფინანსები, სანქციები – ეს სამი რამ არის, რაშიც დიდი ბრიტანეთი უკრაინის მხარდაჭერაში თავის ლიდერობას აჩვენებს. ვაფასებთ ასეთ ნამდვილ, გაერთიანებულ მუშაობას, როდესაც სიტყვები, დაპირებები მუდმივად იქცევა ქმედებებად. მადლობელი ვარ თავდაცვის მინისტრ ბენ უოლესისა და მისი გუნდის ამ ვიზიტისთვის, ასევე დიდი ბრიტანეთის მთავრობის, პრემიერ-მინისტრის დახმარებისთვის“, – ამბობს უკრაინის პრეზიდენტი.

თუ რა საკითხზე იმსჯელეს უოლესმა და ზელენსკიმ, ჯერ უცნობია. გუშინ დონეცკის თვითგამოცხადებული რესპუბლიკის ე.წ. სასამართლომ ბრიტანეთის ორ და მაროკოს ერთ მოქალაქეს, რომლებიც უკრაინის მხარეს იბრძოდნენ, სასიკვდილო განაჩენი გამოუტანა.

ბრიტანეთის ხელისუფლებამ განაცხადა, რომ მათ გასათავისუფლებლად მოლაპარაკებებს არ დაიწყებს რუსეთთან და მათ საკითხს უკრაინასთან განიხილავს.