უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთის გზა სრულმასშტაბიანი ომის 107 დღის განმავლობაში, სახელმწიფოს სრული დეგრადაციის მაგალითია.  

ამის შესახებ ზელენკიმ ვიდეომიმართვაში განაცხადა.

„რუსეთს სურს დონბასის ყველა ქალაქის გატეხვა და ეს არ არის გადაჭარბება, როგორც ვოლნოვახა, როგორც მარიუპოლი. ეს ნანგრევები ოდესღაც ბედნიერ ქალაქებში, ხანძრების შავი კვალი, აფეთქებების შედეგად გაჩენილი ორმოები - ეს არის ის, რაც შეუძლია მისცეს რუსეთმა მეზობლებს, ევროპას, მსოფლიოს.

ეს არის ნებისმიერი სახელმწიფოს სრული დეგრადაციის უსწრაფესი მაგალითი - გზა, რომელიც გაიარა რუსეთმა 107 დღის განმავლობაში“, - განაცხადა ზელენსკიმ.  

მან აღნიშნა, რომ დონბასში გრძელდება უკიდურესად სასტიკი ბრძოლები.

„უკრაინელი სამხედროები აკეთებენ ყველაფერს, რომ გააჩერონ ოკუპანტების შეტევითი მოქმედბები, რამდენადაც ეს შესაძლებელია. რამდენადაც გვეყოფა მძმე შეიარაღება, თანამედროვე არტილერია, ყველაფერი, რასაც ვითხოვდით და კვლავ ვითხოვთ ჩვენი პარტნიორებისგან“, - განაცხადა ზელენსკიმ.