ევროპისა და ევრაზიის საკითხებში აშშ-ს სახელმწიფო მდივნის თანაშემწე კარენ დინფრიდი 17 ივნისს თბილისს ეწვევა.

აშშ-ს საელჩოს განცხადებაში ნათქვამია, რომ ვიზიტის დროს კარენ დონფრიდი სიტყვით გამოვა პრეზიდენტ სალომე ზურაბიშვილის მიერ ორგანიზებულ "თბილისის ქალთა საერთაშორისო კონფერენციაზე".

დონფრიდი, ასევე შეხვდება პრემიერ ირაკლი ღარიბაშვილს, ხელისუფლების, ოპოზიციისა, და სამოქალაქო საზოგადოების წარმომადგენლებს თბილისში. მისი შეხვედრების თემა იქნება კრემლის ომი უკრაინის წინააღმდეგ და აშშ-ს მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი, მის საერთაშორისოდ აღიარებულ საზღვრებში.

მდივნის თანაშემწე, ასევე განიხილავს, თუ როგორ შეუძლია შეერთებული შტატებს დაეხმაროს საქართველოს დემოკრატიული განვითარებისა და კანონის უზენაესობის წინსვლაში.

ვიზიტის ფარგლებში, იგი, ასევე გაემგზავრება აზერბაიჯანსა და სომხეთში. აშშ-ს საელჩოს განცხადებით, ვიზიტის მიზანია, მან ხაზი გაუსვას აშშ-ს ერთგულებას სამხრეთ კავკასიის რეგიონში მშვიდობის, დემოკრატიისა და კეთილდღეობისადმი.