მოძრაობა "სირცხვილია" გეგმებს არ ცვლის და 20 ივნისს, 20:00 საათზე აქციას - "შინ ევროპისკენ" გამართავს. 

პრეზიდენტის მოწოდებას 20 ივნისის აქციის გადადების თაობაზე, მოძრაობის წევრები შოთა დიღმელაშვილი და ნოდარ რუხაძე გამოეხმაურნენ.

"20 ივნისს, 20:00 საათზე. შინ ევროპისკენ!" - დაწერა მოძრაობის წევრმა ნოდარ რუხაძემ. 

"არა და არასოდეს!" - დაწერა შოთა დიღმელაშვილმა. 

"მივმართავ 20 ივნისის ორგანიზატორებს, რომ თუ დაფიქრდებიან, შეიძლება გადაიდოს ეს გამოსვლა, რომელიც ბევრ საფრთხეს უკავშირდება"- ამის შესახებ საქართველოს პრეზიდენტმა, საგანგებო ბრიფინგზე განაცხადა. 

პრეზიდენტი აცხადებს, რომ აქციის ჩატარების შემთხვევაში, აქციის მონაწილეთა უსაფრთხოებაზე პრეზიდენტი პასუხისმგებლობას ხელისუფლებას აკისრებს.