უნგრეთის საგარეო საქმეთა მინისტრი: ნატომ საქართველოსა და მაკედონიისთვის კარი ღია უნდა დატოვოს
ნატოს ხელმძღვანელობამ ალიანსის გაფართოება უნდა განაგრძოს, სხვაგვარად მის მიმართ ნდობა შეირყევა. Reuters-ის ინფორმაციით, ამის შესახებ უნგრეთის საგარეო საქმეთა მინისტრმა პეტერ სიიარტომ განაცხადა.
”თუ ნატო გაფართოების პროცესს არ განაგრძობს, ეს ალიანსისადმი ნდობის შერყევას გამოიწვევს”, - განაცხადა მინისტრმა.
მისი თქმით, ალიანსმა უნდა მიიღოს აუცილებელი ზომები იმისათვის, რომ თავის შემადგენლობაში მონტენეგროს მიღების პროცედურა დაასრულოს და საქართველოსა და მაკედონიისთვის კარი ღია დატოვოს.
