ჩხოროწყუში საზოგადოებრივი ცენტრის შენობა, სავარაუდოდ, ბანკომატის მოპარვის მიზნით ააფეთქეს
ჩხოროწყუს მუნიციპალიტეტის სოფელ ლესიჭინეში საზოგადოებრივი ცენტრის შენობა ააფეთქეს. შემთხვევა გამთენიისას მოხდა.
გავრცელებული ინფორმაციით, საზოგადოებრივი ცენტრის შენობა ბანკომატის მოსაპარად ააფეთქეს.
ადგილზე მობილიზებულია პოლიცია.
შინაგან საქმეთა სამინისტრომ მომხდარ ფაქტთან დაკავშირებით გამოძიება ქურდობის მცდელობის მუხლით დაიწყო.
