რუსეთის პრეზიდენტმა ვლადიმირ პუტინმა განაცხადა, რომ საბჭოთა კავშირი რუსეთის ისტორიული ტერიტორიაა. მისი თქმით, რუსეთი ყოველთვის პატივისცემით ეპყრობოდა სუვერენიზაციის პროცესებს, რომელიც პოსტსაბჭოთა სივრცეში მიმდინარეობდა.

„ეს ნამდვილად ასეა. მე ყოველთვის საჯაროდ ვამბობდი ყოველგვარი ყოყმანის გარეშე, რა არის საბჭოთა კავშირი? ეს ისტორიული რუსეთია. ისე გამოვიდა, რომ მან შეწყვიტა არსებობა. მინდა ხაზი გავუსვა, ყოველთვის პატივისცემით ვეპყრობოდით სუვერენიზაციის პროცესებს, რომელიც პოსტსაბჭოთა სივრცეში მიმდინარეობდა“, - განაცხადა პუტინმა.  

მან აღნიშნა, რომ რუსეთს ძმური ურთიერთობები აქვს ყაზახეთთან და დაინტერესებულია მსგავსი ურთიერთობების განვითარებით. „ იგივე იქნებოდა უკრაინასთანაც. აბსოლუტურად, რომ გვქონოდა პარტნიორული, კეთილი ურთიერთობები“, - თქვა პუტინმა.