წნორში სანიაღვრო არხში 9 წლის ბავშვის ცხედარი იპოვეს
სიღნაღის მუნიციპალიტეტში, წნორში სანიაღვრო არხში 9 წლის ბავშვის ცხედარი იპოვეს.
ტრაგიკული შემთხვევა 17 ივნისს, საღამოს საათებში მოხდა.
"მთავარი არხის" ინფორმაციით, რომელიც ადგილობრივების მონათხრობს ეყრდნობა, ბავშვი მაღაზიაში მიდიოდა, რა დროსაც ძლიერი ქარი და წვიმა დაიწყო. ადგილობრივების ვარაუდით, მოზარდი სანიაღვრე არხში ჩავარდა, საიდანაც თავის დაღწევა ვეღარ შეძლო.
შინაგან საქმეთა სამინისტრომ გამოძიება სისხლის სამართლის კოდექსის 115-ე, თვითმკვლელობამდე მიყვანის მუხლით დაიწყო.
