ტვ პირველის" ოპერატორის ცემის ფაქტზე გამოძიება ჟურნალისტურ საქმიანობაში ხელის შეშლის მუხლით დაიწყო. იტყობინება სპეციალური საგამოძიებო სამსახური.

"სპეციალურმა საგამოძიებო სამსახურმა ტელეკომპანია "პირველის" გადამღები ჯგუფისთვის ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის მეორე ნაწილით გამოძიება დაიწყო.

სპეციალური საგამოძიებო სამსახური ინტენსიურ რეჟიმში ატარებს ყველა საჭირო საგამოძიებო და საპროცესო მოქმედებას ობიექტური და სრულყოფილი გამოძიების უზრუნველყოფის მიზნით", - აღნიშნულია განცხადებაში.

შეგახსენებთ, 18 ივნისს, ღამით, ბათუმში, ტელეკომპანია "ტვ პირველის" ოპერატორს, თემურ ზოიძეს თავს დაესხნენ.